პროექტის მთავარი მიზანია, გავაანალიზოთ რუსეთში ქართული ღვინის ექსპორტზე დაწესებული 20%-იანი ტარიფის შესაძლო გავლენა საქართველოში ყურძნის ფასებზე. გარდა ამისა, კვლევა მიზნად ისახავს, შეაფასოს, რა გავლენა შეიძლება მოახდინოს ამ ტარიფმა ქართველ ყურძნის მწარმოებელთა შემოსავლებზე. აგრარული პოლიტიკის კვლევითი ცენტრი დაეხმარა პროექტს ყურძნის წარმოებაზე, ფასებსა და ბოლო წლებში ყურძნის ექსპორტის შესახებ არსებული მონაცემების მოძიებაში, შეგროვებასა და შეფასებაში.
