მიგრაციამ, როგორც იძულებითმა, ისე ნებაყოფლობითმა, მნიშვნელოვანი გავლენა მოახდინა საქართველოს ყოფილ საბჭოთა რესპუბლიკაზე ბოლო ათწლეულებში. კვლევა პასუხობს მზარდ ინტერესს, თუ რა გავლენას ახდენს მიგრაცია ქვეყანაზე. თსუ ეკონომიკის საერთაშორისო სკოლამ და კავკასიის კვლევითი რესურსების ცენტრმა (CRRC) მიიღეს გლობალური განვითარების ქსელის გრანტი, რათა ჩაატარონ მიგრაციის კვლევა.

ISET და CRRC, როგორც საქართველოს წარმომადგენლები, მოხვდნენ 6 გამარჯვებულ გუნდს შორის უაღრესად კონკურენტულ 250 აპლიკაციას შორის მთელი მსოფლიოდან. მიგრაცია ერთ-ერთი ყველაზე მნიშვნელოვანი საკითხია საქართველოში. 2003 წელს საქართველო ემიგრაციის მაჩვენებლით მე-9 ადგილზე იყო. ემიგრაციის შედეგად, ქვეყანამ 1989 წლის მოსახლეობის სულ მცირე 20% დაკარგა. საქართველოს შემთხვევა რამდენიმე საინტერესო მახასიათებლით გამოირჩევა, მათ შორის აღსანიშნავია დიასპორა, რომელსაც ინვესტიციებითა და ვაჭრობით აქტიურად შეაქვს წვლილი ქვეყნის ეკონომიკის ზრდაში. ISET-CRRC-ის კვლევითმა გუნდმა, რომელმაც მიიღო მონაწილეობა მიგრაციის გლობალურ კვლევაში, ჩაატარა შინამეურნეობების გამოკითხვა, რომელმაც დაადგინა, რა გავლენას ახდენს საერთაშორისო მიგრაცია ქვეყნის განვითარებაზე. კვლევითმა გუნდმა მოამზადა ანგარიში, რომელშიც საუბარია, თუ როგორ შეიძლება პოლიტიკამ შეამციროს მიგრაციის უარყოფითი გავლენა და გაზარდოს სარგებელი. პროექტი 2 წელი გაგრძელდა და მასში აქტიურად იყვნენ ჩართული როგორც ISET-ის პროფესორები და სტუდენტები, ისე CRRC-ის ექსპერტები.