- დეტალები
ახალი წელი ახლოვდება და ქართულ ოჯახები უკვე ემზადებიან წლის დამაგვირგვინებელი დღესასწაულისთვის. ამ სამზადისს არც ISET-ის კვლევითი ინსტიტუტი ჩამორჩება. ჩვენ ვაგრძელებთ ტრადიციას და ჩვენს მკითხველს ხაჭაპურის ინდექსის სპეციალურ, „ახალი წლის სუფრის ინდექსს“ ვთავაზობთ. ინდექსი აჩვენებს, რა უჯდებათ 5-6-სულიან ქართულ ოჯახებს საქართველოს სხვადასხვა რეგიონში ტრადიციული საახალწლო სუფრის კერძების მომზადება. ჩვენს სუფრაში შედის ისეთი ტრადიციული კერძები, როგორიცაა ხაჭაპური, მწვადი, საცივი, კალმახი, შემწვარი ქათამი, სალათი ოლივიე, ფხალეული, კიტრი-პომიდვრის სალათი, გოზინაყი და ხილი.
- დეტალები
2017 წლის თებერვალში ერთი სტანდარტული იმერული ხაჭაპურის გამოცხობის საშუალო ხარჯი 3.66 ლარი იყო, რაც 0.2%-ით იაფია წინა თვესთან შედარებთ, თუმცა 6.2%-ით ძვირია წინა წელთან შედარებით (იგულისხმება წინა წლის იგივე თვე). ხაჭაპური ყველაზე ძვირი ქუთაისშია, სადაც ფასი 3.95 ლარია. 3.59 ლარით მეორე ადგილზეა თელავი. მათ მოჰყვება ბათუმი (3.55 ლარი) და თბილისი (3.53 ლარი). ყველაზე ძვირი (ქუთაისი) და ყველაზე იაფი (თბილისი) ქალაქების ფასებს შორის სხაობამ 0.42 ლარი შეადგინა, რაც მნიშვნელოვანი სხვაობაა. ხაჭაპურის ინდექსის მონაცემების მიხედვით, ბოლო სამი თვეა უკვე, ქუთაისი ლიდერობს ფასებში.
- დეტალები
2017 წლის იანვარში ხაჭაპურის ინდექსი კვლავ მიჰყვება სეზონურ მზარდ ტენდენციას და ერთი სტანდარტული იმერული ხაჭაპურის გამოცხობის ახალი საშუალო ფასი 3.67 ლარი გახდა. საშუალო ფასი 1.9%-ით მაღალია 2016 წლის იანვარში დაფიქსირებულ ფასზე. რაც შეეხება თვეების მიხედვით შეფასებას, ხაჭაპურის ფასი 1.3%-ით მეტია წინა თვეში (2016 წლის დეკემბერში) დაფიქსირებულ ფასზე. ხაჭაპურის გამოცხობისთვის საჭირო ხარჯები განსხვავდება ქალაქებს შორის და 3.56-დან (ბათუმსა და თბილისში) 3.92 ლარამდე (ქუთაისში) მერყეობს.
- დეტალები
ახალი წელი კარს მოგვადგა და ქართველმა დიასახლისებმაც დაიწყეს სადღესასწაულო ფუსფუსი. ვემზადებით ჩვენც. ამჯერად ჩვენი მკითხველებისთვის განსაკუთრებული კერძი მოვამზადეთ – ახალი წლის სუფრის ინდექსი! ჩვენ მიერ მომზადებულ ქართული სუფრის რუკაზე წარმოდგენილია 5-6 სულიანი ოჯახის სტანდარტული საახალწლო კერძების ფასები (ლარებში) საქართველოს თითოეულ რეგიონში. ჩვენ დავითვალეთ ფასები ისეთი ტრადიციული საახალწლო კერძებისთვის, როგორიცაა ხაჭაპური, მწვადი, საცივი, კალმახი, შემწვარი დედალი, ოლივიეს სალათი, ფხალეული, კიტრისა და პომიდვრის სალათი, დესერტებიდან კი გოზინაყი და ხილი.
Our Partners
