ISET-ის კვლევითმა ინსტიტუტმა, UNICEF-მა და მსოფლიო ბანკმა საქართველოს სკოლამდელი განათლების სისტემაში შემდგომი რეფორმების საჭიროებაზე ისაუბრეს
- დეტალები
ნობელიანტი ეკონომისტი, ჯეიმს ჰეკმანი ამტკიცებდა, რომ „მონაცემები თავისთავად მეტყველებს ყველაფერზე“, მას შემდეგ, რაც ჩაატარა „პერის სკოლამდელი პროექტის“ სახელით ცნობილი ექსპერიმენტი და აღმოაჩინა, რომ მაღალი ხარისხის სკოლამდელ განათლებაში ინვესტირების უკუგება დაახლოებით 14%-ია – უკუგების დონე, რომელიც საბირჟო ფონდის სტანდარტული ბრუნვის უკუგებაზე (7.2%) გაცილებით მაღალია.
ISET-მა, აცნობიერებს რა ადამიანური კაპიტალის (და ინდივიდუალური მორალური ღირებულებებისა და სოციალური პრეფერენსების) ფორმირებაში სკოლამდელი განათლების უზარმაზარი მნიშვნელობას, UNICEF-სა და მსოფლიო ბანკთან ერთად მოაწყო დიალოგი „ადრეული და სკოლამდელი განათლება: მიმდინარე გამოწვევები და სამომავლო გეგმები,“ რომელიც არის განათლების პოლიტიკის ფორუმის ნაწილი. დიალოგი გაიმართა 16 მაისს, ISET-ის საკონფერენციო დარბაზში.
ISET-ის პროფესორებისა და ISET-ის კვლევითი ინსტიტუტის მკვლევარების ახალი აკადემიური წარმატება
- დეტალები
ISET ულოცავს პროფესორებს კარინე ტოროსიანსა და ნორბერტო პინატისა და ISET-ის კვლევითი ინსტიტუტის (ISET-PI) უფროს მკვლევარს, მაკა ჭითანავას მათი ერთობლივი კვლევითი ნაშრომის წარმატებით გამოქვეყნებას. ნაშრომი სახელწოდებით „უკბილო რეფორმები? მოწინავე რეფორმატორი ქვეყნის ეკონომიკაში ქალი სამუშაო ძალის მონაწილეობის შესაშური სტაბილურობა“ ახლახანს გამოქვეყნდა ბონის შრომის ეკონომიკის ინსტიტუტის IZA-ს სადისკუსიო ნაშრომების სერიაში, რომელიც IDEAS/RePEc ეკონომიკის საერთაშორისო რეიტინგებში მე-11 ადგილს იკავებს. ნაშრომი, ასევე, გამოქვეყნდა ჩიკაგოს უნივერსიტეტის პრესტიჟული ბეკერ ფრიდმანის ეკონომიკის კვლევითი ინსტიტუტის ადამიანური კაპიტალისა და ეკონომიკური შესაძლებლობების სამუშაო ჯგუფის სამუშაო ნაშრომების სერიაში.
Our Partners
